BMT-nin Baş katibi Antonio Quterreş bildirib ki, dünyada dərinləşən geosiyasi parçalanma Təhlükəsizlik Şurasının fəaliyyətini iflic vəziyyətinə salıb və bu vəziyyət cəzasızlıq mühitini daha da gücləndirir.
BMT-nin Baş katibi Antonio Quterreş açıqlama verərək bildirib ki, Təhlükəsizlik Şurası dərin geosiyasi ziddiyyətlər üzündən öz funksiyalarını lazımi şəkildə yerinə yetirə bilmir. Onun sözlərinə görə, məhz bu iflic vəziyyəti dünyada cəzasızlıq halının yayılmasına şərait yaradır.
Baş katib bildirib ki, indiki şəraitdə Şuranın fəaliyyəti ciddi maneələrlə üzləşib.
“Biz BMT Təhlükəsizlik Şurasının fəaliyyətini iflic edən dərin geosiyasi parçalanma ilə üz-üzəyik”, - deyə Quterreş bildirib.
Antonio Quterreş həmçinin qeyd edib ki, müasir dövrdə silahlı münaqişələr getdikcə daha mürəkkəb xarakter almağa başlayıb. Onun fikrincə, bu mürəkkəbləşmə beynəlxalq təhlükəsizlik sisteminin qarşısına yeni çətinliklər qoyur.
