Rusiya ordusu Ukraynanın paytaxtı Kiyevdə "Datagroup" məlumat mərkəzinə raket zərbəsi endirib. Rusiya Müdafiə Nazirliyinin açıqlamasına görə, obyekt Ukrayna Silahlı Qüvvələrinin kəşfiyyat məlumatlarının işlənməsində istifadə olunub.
Rusiya Müdafiə Nazirliyi Ukraynanın paytaxtı Kiyev şəhərində raket zərbəsi endirildiyini açıqlayıb. Nazirliyin verdiyi məlumata əsasən, zərbənin əsas hədəfi "Datagroup" məlumat mərkəzi olub.
Rəsmi açıqlamada bildirilir ki, həmin data-mərkəz Ukrayna Silahlı Qüvvələrinin maraqlarına xidmət edən mühüm infrastruktur elementlərindən biri sayılırdı. Qeyd olunur ki, obyekt kəşfiyyat məlumatlarının işlənməsi və bu məlumatların operativ şəkildə ötürülməsi funksiyalarını yerinə yetirirdi.
Hücumun konkret nəticələri, obyektə dəyən ziyanın həcmi və mümkün itkilər barədə hazırda əlavə rəsmi məlumat verilməyib. Bu detalların açıqlanması gözlənilir.
