Tramp Zelenskini Putinlə görüşmək üçün Moskvaya çağırdı

ABŞ Prezidenti Donald Tramp Ukrayna Prezidenti Volodimir Zelenskiyə Rusiya lideri Vladimir Putinlə üz-üzə danışıqlar aparmaq üçün Moskvaya getməyi tövsiyə edib. Bu barədə Bloomberg agentliyi öz mənbələrinə istinadən yazıb.

Zelenski təklifi rədd edib

Agentliyin məlumatına görə, Tramp bu addımı bir dəfə deyil, bir neçə dəfə səsləndirib, halbuki Ukrayna tərəfi əvvəllər də belə bir səfərə etiraz edib.

Bu həftə Prezident Donald Tramp dəfələrlə olan imtinalara baxmayaraq, Volodimir Zelenskini Vladimir Putinlə görüşmək məqsədilə Moskvaya səfər etməyə yenidən çağırıb.

Zelenski isə bu dəfə də Moskvaya səfər etmək fikrində olmadığını bildirib və təklifi qəbul etməyib.

Ukrayna tərəfində narazılıq yaranıb

Bloomberg-in mənbələri qeyd edib ki, ABŞ prezidentinin bu tələbi Ukrayna liderinin narahatlığına və narazılığına səbəb olub.