Türkiyədə "Trabzonspor" azarkeşi misirli ulduz futbolçu Məhəmməd Salahın dağlıq ərazidə oturduğu bildirilən daşı görmək üçün 1200 kilometr məsafə qət edib.
Türkiyəli futbol azarkeşi misirli ulduz Məhəmməd Salahın vaxtilə dağlıq bir ərazidə oturduğu deyilən daşı yaxından görmək məqsədilə uzun səfərə çıxıb. Azarkeş həmin nöqtəyə çatmaq üçün 1200 kilometrlik yol qət edib.
Hədəfinə çatan "Trabzonspor" tərəfdarı futbolçuya bəslədiyi heyranlığı özünəməxsus tərzdə ifadə edib. O, daşın önündə dayanaraq duyğularını bölüşüb.
"Burada necə də möhtəşəm bir dünya ulduzu oturub. Mən burada otura bilmərəm, yalnız bu daşı öpə bilərəm"
Sözügedən daşın yanında bu açıqlamanı verən azarkeş ardınca əyilərək daşı öpüb. Bu hərəkətlə o, Salaha olan sevgisini nümayiş etdirmək istəyib.
Videoda görüntüsü yayılan azarkeş sonda məhz bu yeri ziyarət etmək üçün 1200 kilometrlik məsafəni qət etdiyini bir daha vurğulayıb.
