"Qarabağ" futbol klubunun rəsmi fanşopu sentyabrın 23-dən 26-dək "Park Bulvar" Ticarət Mərkəzində açıq olacaq.
Ağdam təmsilçisi "Qarabağ" futbol klubu rəsmi fanşopunun dörd gün ərzində "Park Bulvar" Ticarət Mərkəzində fəaliyyət göstərəcəyini bildirib.
Bu barədə klub öz rəsmi sosial şəbəkə hesablarında məlumat yayıb.
Məlumata görə, sentyabrın 23-dən 26-dək "Park Bulvar" Ticarət Mərkəzinin 1-ci mərtəbəsində xüsusi stend quraşdırılacaq. Həmin stenddə azarkeşlər klubun orijinal məhsullarını və atributlarını əldə edə biləcəklər.
"Qarabağ" klubunun rəhbərliyi bütün azarkeşləri fanşopa baş çəkməyə dəvət edib və onları komandaya olan bağlılıqlarını nümayiş etdirməyə çağırıb.
