Azərbaycanda fəaliyyət göstərən bəzi banklar eyni kateqoriyaya aid kartın bir vətəndaşa birdən artıq satılmasına qadağa qoyub. Bu addım banklara göndərilən təlimatlarla əlaqələndirilir.
Azərbaycanda fəaliyyət göstərən bir sıra banklar vətəndaşlara eyni kateqoriyaya aid kartın təkrarən satışını dayandırıb. Bununla bağlı müvafiq təlimatlar bank strukturlarına göndərilib.
Məlumata görə, bəzi banklar bu qaydanı artıq indidən tətbiq edir. Digər bir qrup bank isə oktyabrın 1-dən etibarən eyni kateqoriyaya aid kartların ikinci dəfə satışını dayandıracaq.
Yeni qaydaya əsasən, əgər vətəndaşın müəyyən valyutada aktiv debet kartı varsa, o, həmin valyutada ikinci debet kartı sifariş edə bilməyəcək. Bununla belə, fərqli valyutada olan kart üçün məhdudiyyət qüvvədə deyil — vətəndaş başqa valyutada ikinci debet kartı əldə edə bilər.
