"Azərbaycan Sənaye Bankı" ASC-də Müşahidə Şurasının sədri dəyişib — bu vəzifəyə Tahir Gözel təyin olunub.
"Azərbaycan Sənaye Bankı" ASC-nin Müşahidə Şurasında rəhbərlik dəyişikliyi baş verib. Yeni sədr kimi Tahir Gözel seçilib və o, bu postda qardaşı Əhməd Gözeli əvəz edib.
Əhməd Gözel 2022-ci ildən etibarən "Azərbaycan Sənaye Bankı"nın Müşahidə Şurasına başçılıq edirdi. Şuranın tərkibinə daxil olan digər şəxslər isə Alireza Firouzi Heydaranlou və Şirin Hakan Alidir.
Tahir Gözel 2026-cı ilin aprelində "Azersun Holding"in Müşahidə Şurasının sədri postuna seçilib. Bundan əlavə, o, "Qarabağ" Futbol Klubunun prezidenti vəzifəsini icra edir.
"Azərbaycan Sənaye Bankı"nın nizamnamə kapitalı 60 milyon manat təşkil edir. Bankın əsas səhmdarı isə 98,43 faizlik paya sahib olan "Anadolu Investment Company" MMC-dir.
