"Climate Impact Lab" hesabatına görə, güclü "El Nino" hadisəsi 2026-cı ilin sentyabrından 2027-ci ilin fevralınadək dünya üzrə təxminən 451 min əlavə istidən ölümə səbəb ola bilər.
Yeni araşdırmaya əsasən, qarşıdakı aylarda güclənəcək "El Nino" hadisəsi qlobal temperaturun kəskin artmasına və nəticədə yüz minlərlə insanın həyatını itirməsinə gətirib çıxara bilər. "Climate Impact Lab"ın hazırladığı modelləşdirmə bu proqnozun əsasını təşkil edir.
Modelə görə, 2026-cı ilin sentyabrından 2027-ci ilin fevralınadək dünya üzrə təxminən 451 min insan istidən qaynaqlanan səbəblərdən dünyasını dəyişə bilər. Tədqiqatçılar vurğulayırlar ki, bu dəfəki "El Nino"nun qlobal temperatura təsiri əvvəlki güclü dövrlərdən daha ciddi ola bilər.
Vurğulanır ki, 451 min rəqəmi faktiki qeydə alınmış ölüm sayı deyil, temperatur göstəriciləri, ölüm statistikası və keçmiş "El Nino" hadisələri zamanı toplanmış məlumatlar əsasında hesablanmış ehtimaldır. Yəni bu, gələcəkdə baş verə biləcək tendensiyanın riyazi proqnozudur.
Tədqiqata görə, istidən ölüm hallarının böyük hissəsinin tropik və isti iqlimli bölgələrdə baş verəcəyi gözlənilir. Proqnozlaşdırılan əlavə ölüm sayları belədir:
ABŞ üçün isə bu göstəricinin təxminən 3.500 nəfər olacağı hesablanır. Tədqiqatçılar həmçinin yaşlı insanların və açıq havada, xüsusilə yüksək temperaturlu şəraitdə çalışan işçilərin daha yüksək risk qrupuna aid olduğunu bildirirlər.
Mütəxəssislər "El Nino"nun təsirinin yalnız hava istiliyinin artması ilə məhdudlaşmadığını xatırladırlar. Okean və atmosfer temperaturundakı dəyişikliklər bəzi bölgələrdə quraqlıq və meşə yanğınlarına, digərlərində isə güclü yağıntı və daşqınlara səbəb ola bilər.
Bu təbii fəlakətlər nəticəsində baş verə biləcək itkilər isə 451 minlik istidən ölüm proqnozuna daxil edilməyib.
