Amerikalı dietoloq Bet Çervoni bildirib ki, soyuqdəymə və qrip zamanı düzgün seçilmiş qidalar orqanizmin bərpa prosesini sürətləndirə bilər.
Amerikalı dietoloq Bet Çervoni açıqlayıb ki, xəstəlik dövründə qidalanmaya diqqət etmək sağalma prosesinə müsbət təsir göstərir. Onun sözlərinə görə, orqanizmin bərpası üçün düzgün qida seçimi mühüm əhəmiyyət kəsb edir.
Mütəxəssis xəstəlik zamanı maye, kalori və bəsləyici maddələrlə zəngin olan bulyon və şorbalara üstünlük verilməsini tövsiyə edib. Onun fikrincə, belə qidalar həm qidalanma baxımından faydalıdır, həm də əlavə rahatlıq yaradır.
“Şorbanın temperaturu və buxarı burun tutulmasını da yüngülləşdirir. Həmçinin bu dövrdə düyü, kartof, tərəvəzlər və yumurta kimi yüngül qidalar orqanizm üçün xüsusilə faydalıdır”
Dietoloq kəskin respirator virus infeksiyaları zamanı yulaf sıyığı, banan, kreker, alma püresi və yoqurt kimi məhsulların rasiona daxil edilməsini məsləhət görür. Bu qidaların həzm sistemi üçün yüngül olduğunu vurğulayır.
Sağalma prosesində vacib rol oynayan C vitamininin mənbələri barədə də danışan mütəxəssis bildirib:
“Tez sağalmaq üçün zəruri olan C vitaminini isə apelsin, kivi, çiyələk, yemiş, pomidor, brokkoli, gül kələmi və şirin bibərdən almaq mümkündür”
Çervoninin sözlərinə görə, xəstəlik dövründə bəzi içki və qida növlərindən çəkinmək daha doğru yanaşmadır. O, bu zaman aşağıdakıları rasiondan çıxarmağı tövsiyə edir:
Bundan əlavə, dietoloq şirniyyat və acı yeməklərin qəbulunun da məhdudlaşdırılmasının vacib olduğunu bildirib.
