Prezident İlham Əliyev Azərbaycanda keçiriləcək 15 yaşınadək oğlanlar arasında futbol üzrə ilk dünya çempionatı və festivalı ilə bağlı ölkəyə gələcək əcnəbilər üçün viza prosedurlarının sadələşdirilməsi haqqında Sərəncam imzalayıb.
Dövlət başçısı İlham Əliyev Azərbaycanda təşkil olunacaq 15 yaşınadək oğlanlar arasında futbol üzrə ilk dünya çempionatı və festivalına (FIFA U-15 World Cup and Festival) gələcək xarici vətəndaşlar və vətəndaşlığı olmayan şəxslər üçün viza qaydalarının yüngülləşdirilməsinə dair Sərəncam imzalayıb. Bu barədə məlumat AFFA-nın rəsmi internet səhifəsində yayılıb.
Sənədə görə, tədbirlə əlaqədar ölkəyə səfər edən və Sərəncamın 2-ci bəndində göstərilən müvafiq sənədlərdən birini təqdim edən şəxslər 2026-cı il sentyabrın 22-dən noyabrın 5-dək Azərbaycanın beynəlxalq hava limanlarında viza əldə edə biləcəklər.
Viza almaq üçün əsas götürülən sənədlər aşağıdakılardır:
Xarici İşlər Nazirliyi bu sadələşdirmə ilə bağlı FIFA-ya, Beynəlxalq Hava Nəqliyyatı Assosiasiyasına və xarici dövlətlərin aidiyyəti qurumlarına məlumat çatdırmalıdır. Bundan başqa, nazirlik həmin çempionat çərçivəsində ölkəyə gələcək əcnəbilərin "ASAN Viza" sistemi üzərindən elektron viza əldə etmə imkanı haqqında məlumatı öz internet resurslarında, eləcə də Azərbaycanın xaricdəki səfirlik və konsulluqlarının saytlarında yerləşdirməlidir.
Dövlət Miqrasiya Xidmətinə isə Azərbaycana uçuş həyata keçirən aviaşirkətləri bu viza yüngülləşdirilməsi barədə məlumatlandırmaq tapşırılıb.
