CNN teleşirkəti, MS NOW telekanalı və “Politico” nəşri jurnalistlərinin Ağ Evə girişini bərpa etdirmək üçün ABŞ Prezidenti Donald Trampın administrasiyasına qarşı məhkəməyə müraciət ediblər.
Üç böyük mətbuat qurumu — CNN, MS NOW və “Politico” — Ağ Evin qərarına qarşı hüquqi addım atıb. İddianın məqsədi jurnalistlərin dövlət binasına girişinin yenidən təmin olunmasıdır.
Mətbuat orqanlarının birgə bəyanatına görə, iddia ABŞ Konstitusiyasının birinci düzəlişinə əsaslanır. Həmin düzəliş ölkədə mətbuat azadlığını təsbit edir.
Üç təşkilat bildirib ki, öz hüquqlarını və dövlətin mətbuatın nə dərc etdiyinə qarışmaması prinsipini qorumaq üçün hökumətə qarşı iddia qaldırılması barədə rəsmi bildiriş göndəriblər.
“Ağ Ev xəbərdarlıq etmədən və nəzərdə tutulmuş prosedura riayət etmədən jurnalistlərimizin akkreditasiyalarını ləğv edib. Əgər buna etiraz edilməzsə, bu, mətbuat azadlığına və ictimaiyyətin dövlət müdaxiləsindən azad, müstəqil jurnalistikaya olan hüququna təhdid yaradır”
Daha əvvəl ABŞ Prezidenti Donald Tramp CNN, MSNBC və “Politico”nun jurnalistlərinin Ağ Evə girişini qadağan edib. Tramp bu mətbuat orqanlarını administrasiya haqqında yalan məlumat yaymaqda ittiham edib.
