Ermənistan Baş naziri Nikol Paşinyan BMT Baş Assambleyasının 81-ci sessiyasında çıxış edərək Azərbaycanla sülhün daha da möhkəmləndirilməsinin və institusionallaşdırılmasının zəruriliyini vurğulayıb.
Ermənistan Baş naziri Nikol Paşinyan BMT Baş Assambleyasının 81-ci sessiyasındakı çıxışında Azərbaycanla münasibətlərin sülh üzərində qurulmasının vacibliyini bildirib.
Baş nazir bildirib ki, iki ölkə arasındakı münasibətlərdə əldə olunan sülhü daha da dərinləşdirmək lazımdır.
“Ermənistan və Azərbaycan arasındakı münasibətlərdə sülhü daha da gücləndirmək və institusionallaşdırmaq üçün ardıcıl olaraq çalışmalıyıq”, - Paşinyan deyib.
Paşinyan həmçinin ermənilərin və azərbaycanlıların əsrlər boyu bir arada yaşamaq təcrübəsinə malik olduğunu xatırladıb. Onun fikrincə, bu tarixi təcrübədən çıxış edərək qarşılıqlı ərazi bütövlüyünə, suverenliyə və siyasi müstəqilliyə hörmət əsasında dövlətlərarası əlaqələr qurulmalıdır.
Baş nazir Ermənistanın mina təmizlənməsi istiqamətində Azərbaycanla əməkdaşlığı davam etdirməyə və genişləndirməyə hazır olduğunu vurğulayıb. Onun sözlərinə görə, bu sahədə qazanılan konkret nəticələr tarix, mədəni irs və digər mövzular ətrafında gedən münaqişə ritorikasından daha üstün əhəmiyyət daşımalıdır.
