Milli Məclisin İnsan hüquqları komitəsinin sədri Zahid Oruc bildirib ki, Bakı əhalisinin böyük hissəsini kirayədə yaşayan, kənd rayonlarından gəlmiş insanlar təşkil edir.
Milli Məclisin İnsan hüquqları komitəsinin sədri Zahid Oruc bildirib ki, Bakı əhalisinin əhəmiyyətli hissəsini kirayədə yaşayan, əsasən kənd rayonlarından gəlmiş insanlar təşkil edir.
Deputat bu fikri komitənin bugünkü iclasında səsləndirib və paytaxtın əhalisi ilə bağlı dəqiq monitorinqlərin aparılmasının vacibliyini vurğulayıb.
“Bakı əhalisinin dəqiq monitorinqlərini aparın, onun çox mühüm hissəsi kirayələrdə yaşayan, xüsusilə kənd rayonlarından gələn insanlardır”
Zahid Oruc qeyd edib ki, bu vəziyyət Bakıda tunellərə, yol qovşaqlarına, mənzil və əmək bazarına təzyiqin artmasına səbəb olur. Onun sözlərinə görə, hökumət büdcə maliyyələşməsində paytaxtı önə çəksə də, bununla eyni zamanda daxili miqrasiyanı da dolayı yolla maliyyələşdirir.
Deputat boşalmış kəndlərə əhalinin qayıdışını təmin edəcək xüsusi proqramın hazırlanmasının zəruriliyini vurğulayıb.
“Bizim boşalan kəndlərimizə qayıdış proqramı lazımdır. Həqiqətən insanlar o bölgələrdə yaşasınlar və ekoloji təmiz məhsul istehsal olunsun. Kəndə gedəndə kəndli insanı görəsən, kənd turizmi inkişaf etsin”
