Prezident İlham Əliyev “Azərbaycan Nəqliyyat və Kommunikasiya Holdinqi (AZCON)”nin idarəetməsinə verilən qurumların siyahısına yeni dəyişiklik edən Fərman imzalayıb.
Dövlət başçısı İlham Əliyevin 2024-cü il 7 noyabr tarixli 226 nömrəli Fərmanı ilə təsdiqlənmiş sənədə - AZCON-un idarəetməsinə keçəcək dövlət müəssisələri, dövlət payı olan təsərrüfat cəmiyyətləri və publik hüquqi şəxslərin siyahısına yenidən əlavə olunub.
Bu məqsədlə Prezident tərəfindən növbəti Fərman imzalanıb. Sənədə əsasən, Rəqəmsal İnkişaf və Nəqliyyat Nazirliyinin tabeliyində fəaliyyət göstərən “Hərbiləşdirilmiş Mühafizə İdarəsi” MMC artıq həmin siyahıya daxil edilib.
Fərmanda göstərilib ki, bu dəyişiklikdən irəli gələn bütün məsələlərin həlli Nazirlər Kabinetinin üzərinə düşür. Beləliklə, “Hərbiləşdirilmiş Mühafizə İdarəsi” MMC-nin idarəetməsi qaydaları da AZCON çərçivəsində müəyyən ediləcək.
