Ermənistanın Avstriyadakı keçmiş konsulu Aşxen Aleksanyanın Azərbaycanın xeyrinə dövlətə xəyanətdə ittiham olunduğu cinayət işi yenidən baxılmaq üçün birinci instansiya məhkəməsinə qaytarılıb.
Ermənistanın Avstriyadakı sabiq konsulu Aşxen Aleksanyan barəsində Azərbaycanın xeyrinə dövlətə xəyanət etməkdə ittiham olunduğu cinayət işi təkrar araşdırılmaq üçün birinci instansiya məhkəməsinə göndərilib. Bu barədə qərarı Ermənistanın Apellyasiya Cinayət Məhkəməsi qəbul edib.
Ermənistan Baş Prokurorluğunun yaydığı məlumata əsasən, məhkəmə prokurorluğun bu istiqamətdə təqdim etdiyi vəsatəti təmin edib. Qurumun açıqlamasında qeyd olunub ki, Cinayət Apellyasiya Məhkəməsi 22 sentyabr 2026-cı il tarixli qərarı ilə prokurorun apellyasiya şikayətini qəbul edib.
Cinayət işi yenidən araşdırılması üçün səlahiyyətli birinci instansiya məhkəməsinə göndərildi.
Xatırladaq ki, Aşxen Aleksanyan 23 aprel 2026-cı ildə casusluq maddəsi üzrə bəraət alıb. Eyni zamanda məhkəmə onu səlahiyyətlərdən sui-istifadə maddəsi ilə iki il azadlıqdan məhrumetmə cəzasına məhkum edib.
Ermənistanın Avstriyadakı keçmiş konsulu olan Aşxen Aleksanyan 29 avqust 2025-ci ildə öz ölkəsinə qayıdarkən saxlanılıb. O, Azərbaycana casusluq etməkdə ittiham olunub.
Ermənistan mətbuatının yaydığı məlumata görə, Aleksanyan azərbaycanlı bir şəxslə şəxsi münasibətdə olub və bu, casusluq ittihamı ilə əlaqələndirilib.
