Baş nazir Əli Əsədov Naxçıvan Müəllimlər İnstitutunun Naxçıvan Dövlət Universitetinə qoşulması yolu ilə yenidən təşkil edilməsi barədə qərar imzalayıb.
Naxçıvan Dövlət Universiteti struktur baxımından yenidən qurulacaq. Bu, Naxçıvan Müəllimlər İnstitutunun ona qoşulması hesabına həyata keçiriləcək.
Bununla bağlı Baş nazir Əli Əsədov müvafiq Qərar imzalayıb. Sənədə əsasən, Naxçıvan Dövlət Universiteti Naxçıvan Müəllimlər İnstitutunun hüquqi varisi elan olunub.
Qərara görə, Naxçıvan Müəllimlər İnstitutunun bütün hüquq və öhdəlikləri, eləcə də əmlakı Naxçıvan Dövlət Universitetinə ötürülür. Beləliklə, institut müstəqil qurum kimi fəaliyyətini dayandıracaq və onun bazası universitet tərkibində davam edəcək.
