Rusiyanın Başqırdıstan Respublikasında yerləşən “Solneçnıy” ticarət kompleksində baş verən yanğın nəticəsində 4 nəfər həlak olub.
Rusiyanın Başqırdıstan Respublikasında fəaliyyət göstərən “Solneçnıy” ticarət mərkəzində yanğın törənib. Hadisə nəticəsində 4 nəfər dünyasını dəyişib, daha 4 nəfər isə xəsarət alıb.
Yanğın zamanı binada olan 17 nəfər təhlükəsiz yerə çıxarılıb. Xilasetmə xidmətləri təxliyə əməliyyatını uğurla başa çatdırıb.
Hazırda yanğının tam söndürülməsi üçün müvafiq qurumların əməkdaşları ərazidə fəaliyyət göstərir. Yanğının səbəbləri barədə hələlik məlumat açıqlanmayıb.
