Son xəbər: Şəmkirdə 2013-cü ildəki qətlin sirri açıldı
Göyçayın Heydər Əliyev prospektində "Mercedes" markalı avtomobil motosikletlə toqquşub, nəticədə motosiklet sürücüsü xəsarət alıb.
Göyçay rayonunda baş verən yol-nəqliyyat hadisəsi nəticəsində bir nəfər yaralanıb. Qəza rayonun Heydər Əliyev prospektində qeydə alınıb.
Məlumata görə, hərəkət zamanı "Mercedes" markalı minik avtomobili motosikletlə toqquşub. Toqquşma nəticəsində motosiklet idarə edən şəxs müxtəlif dərəcəli bədən xəsarətləri alıb.
Xəsarət alan sürücü təcili tibbi yardım xidməti tərəfindən Göyçay rayon Mərkəzi Xəstəxanasına aparılıb. Hadisə yerinə hüquq-mühafizə orqanlarının əməkdaşları cəlb olunub.
Yol qəzası ilə bağlı hazırda araşdırma davam etdirilir.
