"Şərur" MTK-nın sədri İsfəndiyar Axundovun dəstəyi ilə 1 oktyabr – Beynəlxalq Ahıllar Günü münasibətilə Binəqədi rayonunun sakinləri olan yaşlı insanlar üçün "Hollywood" restoranında tədbir təşkil olunub.
Binəqədi rayonundan olan ahıl sakinlər üçün "Hollywood" restoranında keçirilən tədbir "Şərur" MTK-nın sədri İsfəndiyar Axundovun təşkilatçılığı ilə reallaşdırılıb. Tədbir 1 oktyabr – Beynəlxalq Ahıllar Gününə həsr olunub.
Görüşün məqsədi yaşlı nəslə hörmət və ehtiramın nümayiş etdirilməsi, onların cəmiyyətin tərəqqisindəki xidmətlərinin qeyd olunması olub. Bundan başqa, tədbirdə şəhid ailələri və müharibə qazilərinə göstərilən qayğı da xüsusi vurğulanıb.
Görüşə Milli Məclisin deputatları, Sosial Xidmətlər Agentliyinin təmsilçiləri, həmçinin Vətən Müharibəsinin qəhrəmanları və şəhid ailələrinin üzvləri qatılıblar.
Çıxış edən qonaqlar ahıl insanların topladıqları həyat təcrübəsinin dəyərindən və bu təcrübənin gənclərin formalaşmasına verdiyi töhfədən söz açıblar. Onlar həmçinin yaşlı nəslə diqqət və qayğı göstərilməsinin həm dövlət, həm də cəmiyyət üçün böyük əhəmiyyət kəsb etdiyini bildiriblər.
Tədbir çərçivəsində qonaqlar üçün musiqili proqram və zəngin süfrə hazırlanıb. Görüşün sonunda iştirakçılar özlərinə göstərilən diqqət və qayğıya görə "Şərur" MTK-nın sədri İsfəndiyar Axundova təşəkkürlərini bildiriblər.
