Polşa Prezidenti Karol Navrotski ölkəsində qurulacaq daimi ABŞ hərbi bazasının “Fort Tramp” adlandırılacağını bildirib.
Polşa Prezidenti Karol Navrotski ABŞ-nin ölkədə yaratmağı planlaşdırdığı daimi hərbi bazaya “Fort Tramp” adının veriləcəyini açıqlayıb. Bu barədə o, “Bloomberg” telekanalına müsahibəsində məlumat verib.
Dövlət başçısı bildirib ki, ABŞ-nin Polşada daimi hərbi baza qurması istiqamətindəki planların tezliklə başa çatdırılacağına ümid edir. Onun sözlərinə görə, obyekt tam hazır vəziyyətə gəldikdən sonra “Fort Tramp” adlandırılacaq.
Navrotski qeyd edib ki, layihə üzrə infrastruktur işləri hazırda davam etməkdədir və bu məqsədlə ABŞ-dən müxtəlif məsləhətçilər artıq Polşaya səfər ediblər. Eyni zamanda o vurğulayıb ki, layihənin tam icrası üçün bir sıra inzibati və maliyyə xarakterli məsələlərin hələ də öz həllini tapmadığını, ona görə də konkret vaxt barədə açıqlama verməyin hələlik mümkün olmadığını söyləyib.
Polşa lideri həmçinin bildirib ki, ABŞ Prezidenti Donald Trampın bazanın rəsmi açılış mərasimində şəxsən iştirak etməsi istisna olunmur.
Qeyd edilməlidir ki, Donald Tramp bundan öncə Polşada yeni ABŞ hərbi bazasının qurulması sahəsində ciddi irəliləyişlərin qeydə alındığını və bazanın dəqiq yerləşdiyi ərazinin tezliklə elan olunacağını açıqlamışdı.
Öz növbəsində Polşanın Milli Müdafiə Nazirinin müavini Stanislav Vziatek bildirmişdi ki, planlaşdırılan bazada 15 minədək ABŞ hərbi qulluqçusunun yerləşdirilməsi nəzərdə tutulur.
