Hüseyn Mühibbi: Müharibənin coğrafiyasını dəyişəcəyik

İran İnqilab Keşikçiləri Korpusunun (SEPAH) sözçüsü Hüseyn Mühibbi bəyan edib ki, münaqişə daha da kəskinləşərsə, Tehran döyüş meydanının hüdudlarını genişləndirəcək.

IRIB-in yaydığı məlumata görə, Mühibbi bildirib ki, bu addım qaçılmaz olacaq və ordu yeni imkanlara malik silah növlərini istifadəyə verəcək.

Sözçü: Dünya silahlarımıza heyran qalacaq

Müharibənin coğrafiyasını mütləq dəyişdirəcəyik. Meydana yeni imkanlara malik yeni silahlar yerləşdirəcəyik. Dünya silahlarımızın gücünə və dəqiqliyinə şahid olacaq və heyran qalacaq.

Mühibbi həmçinin bildirib ki, gələcəkdə seçiləcək hədəflər əvvəlki zərbələrdə vurulanlarla eyni olmaya bilər.

Hədəflərimizin əvvəlki kimi olması vacib deyil.

SEPAH uzunmüddətli müharibəyə hazır olduğunu bildirib

Sözçü vurğulayıb ki, İran İnqilab Keşikçiləri Korpusu uzun sürəcək bir müharibəyə tam hazırlıqdadır.