"Real Madrid"in baş məşqçisi Joze Mourinyo futbolu Formula 1 yarışları ilə müqayisə edərək, iki idman növündə təzyiqə yanaşmanın fərqli olduğunu bildirib.
"Real Madrid"in baş məşqçisi Joze Mourinyo futbol ilə Formula 1 arasında maraqlı bənzətmə aparıb. Portuqaliyalı mütəxəssis bildirib ki, hər iki idman növündə idmançılar böyük təzyiq altında çıxış edir, lakin bu təzyiqin idarə olunma tərzi kəskin şəkildə fərqlənir.
Mourinyoya görə, Formula 1 pilotları yarış öncəsi hazırlıq prosesində daha sağlam ünsiyyət mühiti yaradırlar. O deyib ki, bu sahə bəzi məqamlarda futboldan daha irəlidədir.
"Həm orada, həm də burada böyük təzyiq var. Ən yüksək səviyyəli idmandan danışırıqsa, təzyiq qaçılmazdır. Amma mənə elə gəlir ki, əsas məqamlara yanaşma baxımından Formula 1 bizdən bir addım öndədir. Biz bir-birimizdən həddindən artıq uzaqlaşırıq, bunun səbəblərindən biri də ənənələrdir. Pilotlar böyük təzyiq altında olurlar, amma kokpitə əyləşənə qədər birlikdədirlər – insanlarla görüşür, PR tədbirlərində iştirak edir, mətbuatla ünsiyyətdə olurlar. Düşünürəm ki, bizim onlardan öyrənəcəyimiz çox şey var: onlar rahat ola bilirlər, yarım saat sonra isə boliddə həyatlarını riskə atırlar".
Mourinyo qeyd edib ki, Formula 1 pilotları yarışa qədər olan vaxtda insanlarla açıq ünsiyyət qururlar, tədbirlərdə görünür və media ilə əlaqə saxlayırlar. Onun sözlərinə görə, futbolçular arasında bu cür yaxınlıq və rahatlıq getdikcə azalır.
Baş məşqçi bunun səbəbini futboldakı köhnə ənənələrdə görür və bildirib ki, komanda üzvləri arasındaki məsafə ilbəil artır. O, bu baxımdan Formula 1-in nümunə ola biləcəyini vurğulayıb.
