Azərbaycan milli komandası Bakıda hazırlığını sürdürür

Futbol üzrə Azərbaycan milli komandası Bakıda təlim-məşq toplanışını davam etdirir. Komandanın hazırlığına baş məşqçi Ayxan Abbasov nəzarət edir.

Əvvəlki gün keçirilən məşq tam heyətlə baş tutmayıb. Xarici klublarda çıxış edən bəzi futbolçuların komandaya bu gün qoşulacağı gözlənilir.

Milli komandanın gələcək oyunları

Azərbaycan yığması sentyabrın 23-də yoldaşlıq oyununda Tacikistan komandası ilə qarşılaşacaq. Bundan sonra millimiz UEFA Millətlər Liqası çərçivəsində üç oyun keçirəcək.

• Sentyabrın 27-də səfərdə Litva yığması ilə;
• Oktyabrın 1-də Lixtenşteyn yığması ilə;
• Oktyabrın 4-də yenidən Litva yığması ilə.