Səmərqənddə keçirilən 46-cı Ümumdünya Şahmat Olimpiadasının 7-ci turunda Azərbaycanın qadın yığması Ermənistanla, kişi komandası isə Yunanıstanla qarşılaşacaq.
Özbəkistanın Səmərqənd şəhərində 46-cı Ümumdünya Şahmat Olimpiadası öz növbəti mərhələsinə yaxınlaşır. Turnirin 7-ci turunda Azərbaycanın hər iki milli komandası meydana çıxacaq.
Azərbaycanın kişilərdən ibarət şahmat yığması növbəti qarşılaşmada Yunanıstan komandası ilə güc sınayacaq. Altı tur başa çatandan sonra bizim kollektiv 10 xalla ümumi sıralamada 12-ci pillədə qərarlaşıb.
Qadınlardan ibarət Azərbaycan seçməsi isə 7-ci turda Ermənistan yığması ilə oyun keçirəcək. Altı turdan sonra komandamız topladığı 10 xalla reytinq cədvəlində 9-cu sırada yer alıb.
