Baş nazir Əli Əsədov Azərbaycanın 2027-ci il dövlət büdcəsi və növbəti üç illik icmal büdcə göstəriciləri ilə bağlı keçirilən iclasda ölkənin 2027-2030-cu illər üzrə əsas xərc prioritetlərini açıqlayıb.
Baş nazir Əli Əsədov Azərbaycanın 2027-ci il dövlət büdcəsi və növbəti üç illik icmal büdcə göstəriciləri ilə bağlı keçirilən iclasda ölkənin 2027-2030-cu illər üzrə əsas xərc prioritetlərini açıqlayıb.
İclasda "Azərbaycan Respublikasının 2027-ci il üzrə dövlət büdcəsinin və icmal büdcənin layihələri və sonrakı üç il üçün icmal büdcənin göstəriciləri" və "Azərbaycan Respublikasının 2027-ci il və növbəti üç il üzrə iqtisadi və sosial inkişaf konsepsiyası və proqnoz göstəriciləri" sənədləri müzakirə olunub.
"Büdcənin əsas xərc istiqamətləri büdcə siyasəti qarşısında dayanan çağırışlar və Strategiyada sosial-iqtisadi hədəflər əsas götürülməklə ortamüddətli resurs zərfinə uyğun olaraq Milli Xərc Prioritetləri əsasında hazırlanıb".
Baş nazirin sözlərinə görə, 2027-2030-cu illərdə dövlət büdcəsi xərclərinin əsas prioritet istiqamətləri bunlardır:
Əli Əsədov bildirib ki, ortamüddətli dövrdə makrofiskal çərçivənin parametrləri fiskal dayanıqlıq, büdcə qaydasının hədəfləri, xərclərin səmərəliliyinin artırılması, maliyyə-borc intizamı və Dövlət Neft Fondunun aktivlərinin dayanıqlı səviyyədə saxlanılması əsasında müəyyənləşdirilib.
Baş nazir qeyd edib ki, 2027-2030-cu illər üzrə makroiqtisadi sabitliyin və dayanıqlığın qorunması üçün büdcə hesablamalarında baza ssenari üzrə neftin bir barelinin qiyməti 65 ABŞ dolları səviyyəsində götürülüb.
"Beləliklə, 2027-ci ildə dövlət büdcəsinin gəlirləri 39 milyard 234 milyon manat, xərcləri isə 42 milyard 400 milyon manat proqnoz edilir. Dövlət büdcəsi kəsirinin ÜDM-ə nisbəti 2,2%-dir (-3.166 mlrd. manat)", - deyə Baş nazir vurğulayıb.
