Prezident İlham Əliyevin himayəsi ilə keçirilən 2-ci Azərbaycan Beynəlxalq İnvestisiya Forumunda iştirak edən qurumların idarə etdiyi aktivlərin ümumi dəyəri təxminən 30 trilyon ABŞ dollarına çatıb.
Bakıda keçirilən 2-ci Azərbaycan Beynəlxalq İnvestisiya Forumu (AIIF 2026) ölkənin investisiya potensialını dünyanın nüfuzlu maliyyə qurumlarına təqdim edən əhəmiyyətli tədbirə çevrilib. Forum Prezident İlham Əliyevin himayəsi altında təşkil olunub.
Tədbirin əhəmiyyəti təkcə burada müzakirə olunan qlobal iqtisadi mövzularla məhdudlaşmır — Azərbaycana gələn investorların səviyyəsi və təmsilçilik miqyası da bu baxımdan mühüm göstəricidir. Bu dəfə Bakıda dünyanın önəmli maliyyə mərkəzlərini təmsil edən şirkətlərin, suveren fondların və beynəlxalq maliyyə qurumlarının rəhbər şəxsləri toplaşıblar.
Forumun müzakirələrində qlobal səviyyəli investisiya şirkətləri təmsil olunur:
Bundan əlavə, Türkiyənin Sərvət Fondu, Sinqapurun Temasek fondu da daxil olmaqla bir sıra iri institusional investorlar da tədbirdə iştirak edir.
Forumda təmsil olunan qurumların ümumilikdə idarə etdikləri aktivlərin dəyəri təxminən 30 trilyon ABŞ dollarına bərabərdir. Bu qədər böyük maliyyə gücünə sahib investorların Bakıda toplaşması Azərbaycanın investisiya mühitinə olan marağın açıq göstəricisi kimi qiymətləndirilir.
Eyni zamanda bu, ölkənin iri beynəlxalq kapital üçün yaratdığı imkanların daha geniş tanıdılması, birbaşa əlaqələrin qurulması və beynəlxalq investisiya əməkdaşlığının möhkəmləndirilməsi baxımından da mühüm fürsət sayılır.
