Astara Gömrük İdarəsinin əməkdaşları İran İslam Respublikasından Rusiya Federasiyasına gedən “şaftalı” yükündə 51 kq 906 qram marixuana aşkar ediblər.
Astara Gömrük İdarəsinin əməkdaşları apardıqları əməliyyat-axtarış və gömrük nəzarəti tədbirləri nəticəsində külli miqdarda narkotik vasitənin Azərbaycan ərazisindən tranzit yolla keçirilməsinin qarşısını alıblar.
Dövlət Gömrük Komitəsinin Mətbuat və İctimaiyyətlə Əlaqələr İdarəsinin yaydığı məlumata görə, hadisə Astara gömrük postunda baş verib. İran İslam Respublikasından Rusiya Federasiyasına “şaftalı” yükü daşıyan yük nəqliyyat vasitəsi idxal yoxlama xəttində dayandırılaraq gömrük nəzarətinə cəlb edilib.
Nəqliyyat vasitəsi stasionar rentgen qurğusundan keçirilib, əlavə olaraq kinoloji xidmət itindən istifadə edilərək yoxlanılıb. Bu yoxlama zamanı yükün içərisində gizlədilmiş bağlamaların olduğu aşkar edilib.
Aparılan araşdırma nəticəsində gömrük nəzarətindən yayındırılmağa çalışılan 104 ədəd “şaftalı” formasında qablaşdırılmış bağlamalarda xalis çəkisi 51 kiloqram 906 qram olan marixuana növündən narkotik vasitə aşkarlanıb.
“Aparılan yoxlama zamanı gömrük nəzarətindən gizlədilən 104 ədəd “şaftalı” formalı qablaşdırmada xalis təmiz çəkisi 51 kq 906 qram narkotik vasitə - marixuana aşkar edilib. Faktla bağlı araşdırma aparılır”
Dövlət Gömrük Komitəsi bildirib ki, hadisə ilə bağlı araşdırma davam etdirilir.
