Prezident İlham Əliyev bildirib ki, ölkədə 30 il əvvəl imzalanan neft-qaz müqavilələri bu günədək heç bir dəyişikliyə uğramayıb və bu, xarici investorlar üçün etibarlılıq göstəricisidir.
Prezident İlham Əliyev bildirib ki, ölkədə 30 il əvvəl imzalanan neft-qaz müqavilələri bu günədək heç bir dəyişikliyə uğramayıb və bu, xarici investorlar üçün etibarlılıq göstəricisidir.
Dövlət başçısı bu fikirləri II Azərbaycan Beynəlxalq İnvestisiya Forumu çərçivəsində keçirilən tədbirdə səsləndirib. O, ölkənin neft-qaz sektorunda bağlanmış müqavilələrin ümumi inkişafa müsbət təsir göstərdiyini vurğulayıb.
İlham Əliyev qeyd edib ki, onilliklər əvvəl imzalanan sazişlərin şərtləri bu günə qədər olduğu kimi qalıb və heç bir düzəliş edilməyib. Dövlət başçısının fikrincə, bu sabitlik xarici investorların ölkəyə marağını artıran əsas amillərdən biridir.
“30 il əvvəl bağlanılmış müqavilələr hələ də toxunulmazdır. Onun bir sözü də, bir vergülü də dəyişməyib və bu da investorları cəlb etmək üçün çox önəmli bir amildir. Beləliklə, bizim çox güclü portfelimiz var”.
Prezident bu sözlərlə Azərbaycanın investisiya mühitinin etibarlılığını və uzunmüddətli tərəfdaşlıq üçün əlverişli şərait yaratdığını vurğulayıb.
