2026-cı ilin payız mövsümündə 1920 və 1930-cu illərin geyim üslubları yenidən populyarlaşıb. Bu barədə "Vogue" jurnalı məlumat yayıb.
2026-cı ilin payızında geyim dünyasında keçən əsrin əvvəllərinə xas üslublar yenidən aktuallaşıb. "Vogue" jurnalının yaydığı məlumata görə, F.Skott Fitsceraldın 1925-ci ildə yazdığı "Böyük Qetsbi" romanında təsvir edilən "Art-deko" dövrünün moda elementləri indi dizaynerlərin diqqət mərkəzindədir.
"The Row", "Khaite" və "Colleen Allen" kimi tanınmış moda brendləri öz yeni kolleksiyalarında həmin dövrün estetikasını canlandırırlar. Bu brendlərin kolleksiyalarında keçən əsrin ilk onilliklərinə xas detallar diqqəti cəlb edir.
Yeni trendə uyğun qarderobda axıcı parçadan tikilmiş, saçaqlı, asimmetrik bluzlar önə çıxır. Bunlarla yanaşı, məxmərdən hazırlanmış paltolar da kolleksiyalarda yer alır.
Çiyin hissəsində bağlamaları olan, krujeva ilə bəzədilmiş və dərin V-yaxalı ipək köynəklər də bu üslubun mühüm hissəsidir. Onlara əlavə olaraq, omba nahiyəsində həcmli forması, qırçınları və aşağıya doğru daralan qısa balaqları olan yüksək bellli məxmər şalvarlar da diqqət çəkir.
Kolleksiyalara daxil olan digər elementlər arasında saçaqlı və püsküllü kəndir kəmərlə tamamlanan atlaz donlar da yer alır. Bu detalların hamısı 1920-1930-cu illərin moda dilini müasir qarderoba daşıyır.
