95 yaşlı əməkdar artist, diktor Sevda Saleh Məmmədzadə vəfat edib. Bu barədə onun qızı Gültən Ramazanova məlumat yayıb.
Əməkdar artist və diktor Sevda Saleh Məmmədzadə 95 yaşında dünyasını dəyişib. Onun vəfatı barədə xəbəri qızı Gültən Ramazanova açıqlayıb.
Gültən Ramazanovanın bildirdiyinə görə, anası müalicə aldığı Nizami Tibb Mərkəzində həyatını itirib.
Məlum olub ki, Sevda Saleh sentyabrın 1-də koma vəziyyətində reanimasiya şöbəsinə yerləşdirilib. Ona baş-beyin qan dövranının hər iki beyin yarımkürəsində kəskin işemik tipli pozulması diaqnozu qoyulub.
Bundan əlavə, sənətçidə ürəyin işemik xəstəliyi və səyirici aritmiya da müəyyən edilib. Bu diaqnozlar onun sağlamlıq vəziyyətinin ağırlaşmasına səbəb olub.
