Trabzonsporun kamerunlu qapıçısı Andre Onana vakuum terapiyası prosedurundan keçərək bu anı sosial media hesabında izləyicilərilə bölüşüb.
Trabzonsporun qapıçısı Andre Onana sağlamlığını qorumaq üçün vakuum terapiyası adlanan bərpa üsulundan istifadə edib. Kamerunlu futbolçu bu prosesin görüntülərini şəxsi sosial media hesabında paylaşıb.
Paylaşılan görüntülərdə Onananın bədəninə 50-dən artıq bankanın qoyulduğu aydın görünür. Vakuum terapiyası əzələ bərpası və qan dövranının yaxşılaşdırılması məqsədilə idmançılar arasında geniş tətbiq olunan üsullardan biri sayılır.
Trabzonsporun qapıçısının bu qeyri-adi görüntüləri sosial şəbəkə istifadəçilərinin böyük marağına səbəb olub. Paylaşım qısa müddət ərzində çoxlu sayda baxış və şərh toplayıb.
