Belarus Prezidenti Aleksandr Lukaşenkonun mətbuat xidmətinin rəsmi Telegram kanalı ələ keçirilib, kanalda erotik xarakterli materiallar yayılıb.
Belarus Prezidenti Aleksandr Lukaşenkonun mətbuat xidmətinə məxsus rəsmi Telegram kanalı naməlum şəxslər tərəfindən oğurlanıb. Kanala daxil olan istifadəçilərin qarşısına erotik xarakterli materiallar çıxıb.
Bu barədə “Ostorojnо, novosti” nəşri məlumat yayıb.
“Pul Pervogo” adlanan kanalın əvvəlki yazılarına daxil olmaq istəyən istifadəçilər messencerdən xəta mesajı alıb. Sistem kanalın özəl rejimə keçdiyini bildirib.
Qeyd edilib ki, “Pul Pervogo” kanalının 250 mindən çox abunəçisi var.
Kanalın nə səbəbdən əlçatmaz vəziyyətə düşməsi və erotik məzmunun necə yayıldığı barədə hələlik rəsmi açıqlama verilməyib.
