Yevlax Şəhər İcra Hakimiyyəti ilə Qərbi Azərbaycan İcmasının birgə təşkilatçılığı ilə keçirilən tədbirdə Qərbi Azərbaycanın tarixi abidələri, adət-ənənələri və mədəni irsinin qorunması məsələləri müzakirə olunub.
Yevlax şəhərində Yevlax Şəhər İcra Hakimiyyəti və Qərbi Azərbaycan İcması birlikdə "Qərbi Azərbaycan irsinin öyrənilməsi, tarixi abidələri və adət-ənənələri" adlı tədbir təşkil ediblər.
Tədbirdə aşağıdakı şəxslər iştirak edib:
Onlara əlavə olaraq rayonun hüquq-mühafizə orqanlarının rəhbərləri, şəhid ailələrinin üzvləri, müxtəlif idarə, müəssisə və təşkilatların rəhbərləri, habelə rayonun tanınmış ziyalıları da tədbirə qatılıblar.
Tədbir iştirakçıları öncə Yevlax şəhərinin mərkəzinə toplaşaraq Ümummilli Lider Heydər Əliyevin abidəsini ziyarət ediblər. Onlar abidənin qarşısına gül dəstələri qoyaraq Ulu Öndərin xatirəsini ehtiramla anıblar.
Bundan sonra iştirakçılar Qərbi Azərbaycanın zəngin tarixi-mədəni irsini, qədim memarlıq abidələrini əks etdirən sərgiyə baxıblar. Tədbir daha sonra "Yevlax City Hotel"də davam edib, burada Heydər Əliyevin və ərazi bütövlüyü uğrunda həlak olmuş şəhidlərin xatirəsi bir dəqiqəlik sükutla anılıb, ardınca Azərbaycan Respublikasının Dövlət Himni səsləndirilib.
Yevlax Şəhər İcra Hakimiyyətinin başçısı Anar Tağıyev çıxışında Qərbi Azərbaycanın tarixi-mədəni irsinin araşdırılması, qorunması və gələcək nəsillərə ötürülməsinin böyük əhəmiyyət kəsb etdiyini bildirib. O, Qərbi Azərbaycan ərazisində formalaşmış maddi və mənəvi irsin — qədim yaşayış yerlərinin, tarixi abidələrin, toponimlərin, folklor nümunələrinin və adət-ənənələrin öyrənilməsinin milli yaddaşın qorunması üçün xüsusi rol oynadığını qeyd edib. Şəhər rəhbəri həmçinin bu mövzuda toplanan faktların sistemləşdirilməsinin, beynəlxalq ictimaiyyətə çatdırılmasının və gənclərə aşılanmasının önəmini vurğulayıb.
Qərbi Azərbaycan İcmasının İdarə Heyətinin sədri Əziz Ələkbərli isə çıxışında irsin qorunması, öyrənilməsi və sənədləşdirilməsi sahəsində görülən işlər barədə danışıb. O, qərbi azərbaycanlıların tarixi yaşayış məskənlərinin, abidələrinin, məscidlərinin, qəbiristanlıqlarının və toponimlərinin araşdırılmasının vacibliyini bildirib.
Məlahət İbrahimqızı, Mahirə Hüseynova və Telli Əliyeva da öz çıxışlarında Qərbi Azərbaycanın tarixi-mədəni irsinin tədqiqi, faktların sistemləşdirilməsi və elmi araşdırmaların genişləndirilməsi məsələlərinə toxunublar. Çıxışlarda bu irsin gələcək nəsillərə ötürülməsi və maarifləndirmə işlərinin davam etdirilməsi zərurəti də qeyd olunub.
Tədbir zamanı Qərbi Azərbaycan İcmasının bir qrup üzvünə üzvlük vəsiqələri və döş nişanları verilib.
Tədbirin bədii hissəsində 8-ci Muğam Müsabiqəsinin laureatı, Yevlax Şəhər Mədəniyyət Mərkəzinin əməkdaşı Sabir Hüseynovun ifasında musiqi nümunələri səslənib. Bundan əlavə, "Əməkdar mədəniyyət işçisi" Eldəniz Mustafayevin şeir ifaları da iştirakçılar tərəfindən maraqla qarşılanıb.
