Tofiq Bəhramov adına Respublika Stadionunda əsaslı təmir aparılacaq, layihə-smeta sənədlərinin hazırlanması isə müvafiq şirkətə tapşırılıb.
Tofiq Bəhramov adına Respublika Stadionunda təmir işləri həyata keçiriləcək. Bu məqsədlə obyektdə avadanlıq sistemlərinin qurulması da nəzərdə tutulub.
Təmir və quraşdırma işləri üzrə layihə-smeta sənədlərinin hazırlanması “Az Arxitektura” MMC-yə həvalə edilib. Şirkət stadionun bərpası ilə bağlı zəruri texniki sənədləşməni təmin edəcək.
Gənclər və İdman Nazirliyi bu layihəyə görə “Az Arxitektura” MMC-yə 298 min 500 manat məbləğində ödəniş edəcək. Vəsait sənədləşmə işlərinin görülməsi müqabilində ayrılıb.
Stadionun təmirinin nə vaxt başa çatacağı barədə hələ ki konkret tarix açıqlanmayıb.
