Hollivud aktrisası Ancelina Colinin yaxın dostu 51 yaşlı ulduzun tezliklə romantik görüşlərə başlayacağını bəyan edib.
Hollivud aktrisası Ancelina Colinin yaxın dostu bildirib ki, 51 yaşlı ulduz Bred Pittdən boşandıqdan bir neçə il sonra nəhayət yeni münasibətə hazır olduğunu göstərib.
Adını açıqlamayan insayder aktrisanın şəxsi həyatına dair maraqlı detalları paylaşıb:
Ancelina hazırda heç kimlə görüşmədiyini deyir, lakin o, flört etməyi dəqiq bilir. O, yenidən cazibədar və incə ola bilir, buna görə də tezliklə romantik görüşlərə başlamağa hazırlaşır. Onun üçün yeni bir həyat başlayıb və o, azadlığını tapmağa tam hazırdır.
Mənbəyə görə, aktrisanın gələcək seçimi kino sənayesindən olan biri deyil:
Onun yeni sevgilisi mütləq səyahət etməyi sevməlidir və o, Bred Pittə heç bənzəməyəcək, kino ulduzu olmayacaq. Ancelina Beverli-Hillsdə kiçik bir mənzildə böyüyüb, orada hamı evdə nadir hallarda olan atası Con Voyta sitayiş edirdi. Bu səbəbdən kino ulduzlarının dünyasındakı bu qəribə atmosfer ona xoş gəlmir və narahatlıq yaradır.
Bundan öncə Ancelina Coli ilə fransız aktyor Lui Qarrel arasında münasibət başladığına dair söz-söhbətlər yayılmışdı. Bildirilib ki, aktyorlar birgə çəkildikləri “Couture” filminin lentə alınması zamanı yaxınlaşmağa başlayıblar. Bununla belə, hər iki tərəf bu iddialarla bağlı rəsmi açıqlama verməyib.
