Amerikalı aktrisa Şeron Stoun bildirib ki, "Əsas instinkt" filmindəki məşhur səhnəyə görə insanlar onunla ünsiyyətdən onilliklərdir çəkinir.
Amerikalı aktrisa Şeron Stoun bildirib ki, "Əsas instinkt" filmindəki məşhur səhnəyə görə insanlar onunla ünsiyyətdən uzun illərdir çəkinir. 68 yaşlı ulduz bu barədə "Variety" nəşrinə müsahibəsində danışıb.
Aktrisanın sözlərinə görə, filmin çəkilişindən onilliklər keçsə də, həmin səhnə ictimaiyyətin ona olan baxışını hələ də formalaşdırır.
Stoun bildirib ki, əvvəllər jurnalistlərə müsahibədən öncə filmi göstərirdilər və bu da onların davranışına təsir edirdi.
"Filmi jurnalistlərə göstərirdilər, sonra isə onları mənimlə müsahibəyə dəvət edirdilər. Onlar qorxurdular, qarşımda oturub panikaya düşməyə başlayırdılar"
Aktrisa qeyd edib ki, illər keçsə də, insanların ona münasibəti demək olar ki, eynidir.
"Heç nə dəyişməyib: insanlar bu günə qədər bu və ya digər şəkildə məndən qorxurlar. Düşünürəm ki, öz müstəqilliyini və sarsılmazlığını elan edən qadın ideyası həm o zaman qorxunc idi, həm də indi qorxunc olaraq qalır"
1992-ci ildə çəkilmiş "Əsas instinkt" trillerində baş rolları Şeron Stoun və Maykl Duqlas ifa edib. Stoun filmdə qətl törətməkdə şübhəli bilinən yazıçı Ketrin Tramell obrazını canlandırıb. Söhbət gedən səhnə isə onun bir neçə detektiv tərəfindən dindirilməsi ilə bağlıdır.
