Türkiyənin nüfuzlu “Sadri Alışık Tiyatro ve Sinema Oyuncu Ödülleri” gecəsinin 27-ci mərasimində aktrisa Alina Boz namizəd olduğu kateqoriyada qalib gələ bilmədi.
Türkiyə sənət mühitinin mötəbər tədbirlərindən sayılan “Sadri Alışık Tiyatro ve Sinema Oyuncu Ödülleri” bu il 27-ci dəfə keçirilib. Tədbirdə teatr və kino sahəsində fərqlənən aktyorlara mükafatlar təqdim olunub.
Gecənin ən çox müzakirə olunan iştirakçılarından biri aktrisa Alina Boz idi. O, bu mərasimdə ilk dəfə iştirak edərək “İkinci planda ilin ən uğurlu qadın aktyoru” nominasiyasında adının çəkilməsinə nail olmuşdu.
Aktrisanın həyat yoldaşı Umut Evirgen də gecəyə qatılaraq ona mənəvi dayaq olub. Məlumatlara görə, Evirgen həyat yoldaşının namizədliyi ilə fəxr edərək ondan da artıq həyəcan keçirib.
Qalibin elan olunacağı an xüsusilə diqqətçəkici olub. Umut Evirgen bu anı telefonunun kamerası ilə çəkməyə başlayaraq önəmli məqamı yaddaşa köçürməyə çalışıb.
Bütün gözləntilərə baxmayaraq, nəticə Alina Bozun xeyrinə olmayıb. Kateqoriyanın qalibi Ceren Narinoğlu olub və mükafat ona təqdim edilib.
